Werden wir Helden für einen Tag

我唔係你個囡

Posted on May 19, 2010 by Chung-hong Chan

假定我不知道政改方案的內容，這條片足以令我不支持政改方案，原因如下：

(為求傳神，以下為廣東話)

香港政府唔係我老母
我唔係香港政府個囡（如果我係佢個囡，唔怪知得叫中共做阿爺）
就當我係佢個囡，都不會讀錯個「靚」字（ leng3 ，唔係 len3 ）
就算囡囡個設計好靚，佢老母話不早於二零一七年先「可以」有咁靚，而家著住條爛布去 party 先。此片在畢業 Party 前就有咁靚，是與現實不符。本身已經係欺騙，豈能令人相信「信任令夢想成真」？
原來一切只係一個夢，即係二零一七年先「可以」有咁靚，都可能係一個夢。片中畢業 Party 前就有靚裙著，更加係一個夢。
阿囡發現老母信唔過，於是想去搵班 Friend 幫佢造件衫，用左百五蚊。老母話佢浪費金錢，仲話佢反母女倫，本來就唔需要搵班 Friend 造衫。回歸返第一、二點，我唔係佢個囡囉。

原來香港政府的管治模型，是比我想像中的「經濟動物」模型更可怕。原來香港政府覺得他是家長，市民只是「中學雞」，連只專注於經濟活動的「經濟動物」都不如。