Werden wir Helden für einen Tag

Home | About | Archive

模擬虎年搶閘嬰兒訪問

Posted on Feb 14, 2010 by Chung-hong Chan

We are the World 25. Haitians need our help.

* * *

我問為何搶閘嬰兒每年都是新聞,老婆說過年新聞只有這單較為快樂,難道看曾狗避民改去沙田行花市?
為了增加這單新聞被 TVB 河蟹的機會,現在模擬虎年搶閘產婦及父親(文生同文太),被 TVB 方臉兒訪問。

方:你個囡囡做左虎年搶閘啤啤喎,媽媽而家心情點呀?

文太:講真,我而家心情就真係唔係幾好。我老公都係做作家o既,我自已係維權律師。到我個女大個左,可能基本法二十三條已經立左法,到時唔知我呀,我老公呀,定我個女會因為煽亂顛覆國家政權罪坐監十幾年。我個女似乎唔會見到我地兩公婆好耐。仲有囉,我個女年長時,睇怕高鐵同迪士尼都蝕晒香港政府份身家,到時佢想申請綜緩都唔得o架喇。有爺生無乸教,老年重要無依無靠,我就話抵死o者,我個女無辜o架。你話重邊度有心情呀,方臉兒?

方:響生囡囡o既時候呀,有無咩難忘o既趣事?

文生:趣事?最有趣咪係年三十晚陪住老婆作動時,睇電視見到曾蔭權隻烏龜王八蛋避開維園年宵班公投支持者,逃命去沙田行花市囉。咁避市民o既地區首長,仲衰過羅馬尼亞壽西斯古,同鄭汝樺差唔多 level 。重有呀,今年奧巴馬都發新春賀詞喇,反而你個死仆街曾狗偏偏唔發,重要拍埋D卡通片扮晒 cutie 搏人氣反彈。想點呀?連錄影面對市民都爻底?你話呢D係唔係好笑過我同你講我老婆痛左成晚,終於生左呢 pat 野出o黎?

方:今年年大初一咁o岩係情人節,阿囡o既出世對你地有無特別意義呀?

文太:你以為我地會答你:「從此以後會同佢一齊慶祝初一、情人節同生日呀?」咪傻喇。到時貧富懸殊到咩野地步,你同我都清楚,可能到大年初一,我地兩公婆同個女響街邊執紙皮,響大家樂食二手飯o乍!慶祝?到我個女見到一人一票普選行政長官、一人一票選立法會議員、全面剷除功能組別、平反六四、反高鐵停撥款、釋放劉曉波、譚作人、胡佳等等異見人士、破除防火長城、結束一黨專政o既時候,先值得慶祝罷。

方:咁你同你個囡囡改左名未?

文生:單名一個主字,叫做文(民)主。民主萬歲!人民力量萬歲!


Powered by Jekyll and profdr theme, a fork of true minimal theme