Werden wir Helden für einen Tag

Home | About | Archive

人撚最多o係香港!

Posted on Jan 20, 2010 by Chung-hong Chan

我是從 dark entry 年代已經知道這個世界有一隊 supergroup 叫做 LMF ,當時還是「重金屬同學會」的玩票樂隊,是由幾隊香港 Band 組成,曾在《自主音樂圖鑑》收錄其歌曲。那時還未有 DJ Tommy 。
至後來阿龍大、 NT 、 Screw 和 Prodip 再加 DJ Tommy 的組合成型,才推出了第一張唱片。 NT 當時是我非常喜歡的樂隊,我還記得他們上有線 YMC 台,唱他們的主題曲 NT (NT, NT, N Motherfucking T) 同埋 War ( War, no war, stop it all, I am the law!)。 NT 的成員包括有:朱春仁(即後來的 MC 仁)、顏袌(爆)威、賴喜斗、衛新斌、侯庭峰和江嘉賢,明顯全部係假名。
我永遠覺得, LMF 第一張唱片的歌曲最合我口味。 LMF 是在第二張碟《大懶堂》才轉成 Hip Hop 取向,第一張碟的主調是 Rap Metal ,音樂底是非常的 PanteraBio Hazard ,只有一兩首歌有極少的 Hip Hop 味。我最喜歡的一首歌叫做《唱好香港》。
這首歌的歌詞改過 N 次,我最初聽時,此曲不是講現在唱片的事。唱片版本講的事,是本來無主流傳媒關注的非主流搖滾音樂會,在 1998 年 9 月 26 日突然成為《東方日報》頭條,題目是「粗口演唱會失控腰斬」。話說當年商台節目《組 Band 時間》在紅館舉行了一場 Band show ,叫做《組 Band 時間再一擊》,表演隊伍包括 NT 和 Screw 。話說大量觀眾從坐位離開,走到台前,更有人玩插水。保安以有人站立為名要求人們返回坐位。觀眾反對,繼續站立,保安屢勸無效決定腰斬。腰斬後樂迷不服,於是乎推椅抗議。商台、 NT 及 Screw 從此列入紅館的黑名單。有份提議的是當時的臨時市政局議員李華明。
這樣的事,被《東方日報》作為頭條,指出年青人聽了粗口歌之後情緒失控,「會場內秩序大亂失控」,爆發對社會的不滿。朱春仁大頭相在頭條,令他聲名大噪。其他報紙日後亦選來報道。
《唱好香港》就是講這件傳媒大驚小怪之事。睇 Band show 怎可能坐著看?這是保安及樂迷的落差,但卻被傳媒當成是暴動,甚至拉埋經濟低迷來說。歌詞:

William:喂!呢度每一日都存在好多問題
無論打劫非禮強姦種種罪案都有齊
有無攪錯!你係真唔係 一個普通rock Show幾乎反轉甘滯
你班不良少年加班粗口仔 插水反常行為再加上經濟低迷
其實點樣 點樣 扯上關係?
個度六千幾人 個度六千幾人 個度六千幾人 你估真係冇人睇?
個度六千幾人 個度六千幾人 個度六千幾人 你咪當人廢
人跟你又跟 你講講講講 人信你又信 你話點去唱好香港
仁:企係度fing螢光棒 你就叫做興高彩烈
行多一步企出黎玩 就講到暴動甘x"杰"
D雜誌電視電影就3456級 唱多兩咀粗口 就話乜都唔x得
亂九甘up!仲邊處有傳媒道德 大驚小怪! D官僚唔妥就一句話cut
Show 最緊要d人任由你擺佈black List仔覺得唔妥 我地越諗越燥
個度六千幾人 個度六千幾人 個度六千幾人 你估真係冇人睇?
個度六千幾人 個度六千幾人 個度六千幾人 你咪當人廢
人跟你又跟 你講講講講 人信你又信 你話點去唱好香港

金寶綠水:我係philippine插水跳舞都冇俾人插
木村:係hong Kong睇rock Show俾人講到九唔搭八
乸型賓:其實呢d野好normal既唶
竹野:都唔見倒有人攪事
海馬正:唔好影...唔好影...
乸型賓條仔:佢作大吹水 我真係唔睬佢
紅潮風:問心個句你有無借題發揮
South Park Kenny:我地今晚係最斯文個隊

人跟你又跟 你講講講講 人信你又信 你話點去唱好香港

唱片已經係乾淨的版本,在 Band Show 的版本係:

人跟你又跟 你講講講講 人信你又信 人撚最多o係香港!

William 係 Screw 主音,阿仁就係 NT 朱春仁。後面那些乸型賓同海馬正,係串緊人。例如乸型賓係串緊馮禮慈在明周的文章,而 South Park Kenny 是在串剛剛簽了主流唱片公司合約,又參加了《組 Band 時間再一擊》表演的樂隊 Scaffold ,因為他們向傳媒說是當晚最斯文的樂隊。其他樂隊覺得 Scaffold 是叛徒,踩人抬高自己。用一個當時未出現的現代常用字, Scaffold 是在抽水。
今時今日突然找回這首歌和這件事來講,我一定有原因。我只能夠講,那是 1998 年的事,傳媒亦是 1998 年的傳媒。今日是 2010 年。當時指著樂隊及樂迷個頭來罵的,只有傳媒及議員。如果此事發生在今時今日,應該還會有反樂隊的 Facebook 群組甚至局長在罵樂隊、樂迷破壞社會安寧,還有看電視傳媒肢體衝突畫面看得出神而加入叫賣行列的博客。


Powered by Jekyll and profdr theme, a fork of true minimal theme