政治的確唔識，但識玩十三張。
問責制，特首三司、十二局長，加個副局長。分別是十三張的尾門、二道同頭排。
二道尾門是一啤蛇，頭排就算擺副啤落去，啤啤蛇，都唔會點勁左。有副啤，應將副啤放落二道變成滔啤，搏食到對家有人出啤（可能性極底），嬴一注。有得佢無頭算。
問題係，點解我們會拿到一手爛牌，要排個啤啤蛇呢個弱到無倫的陣勢呢？
原因係二道尾門弱到無倫。頭排只可以無頭、一啤或者三條。有三條都應該放落二道尾門，但係永遠都得唔到三條。
一水之隔的中華民國，同一日新政府上任。馬英九、蕭萬長，一個是哈佛 SJD 、一個是外交研究所碩士。有市長經驗，還要有幾次民主選舉洗禮。點計呢個尾門都應該最少係四條。對著你個尾門條蛇，已經嬴左四注。二道放個夫佬，又嬴你兩注。就算頭排無頭，你放對啤響頭嬴返注。中華民國呢手牌嬴五注。
問題唔係你頭排有幾強，而係二道尾門有幾弱。