無聊過頭，睇師奶兵團。好似頭幾集。頭幾集，三個主角師奶有個Friend離奇自殺，三個主角好似好Friend其實鬥爭當中。還有個人見人冧的男人。（雖然是馬國明飾演，找Rocky演吧）咧！這樣的劇情好熟喎。
之後睇謎，將一個National Geographic的節目包裝到如此，我真係無話可說。見到阿秋官...呀...唔係...係阿adam鄭同阿兒輕黃那身西裝MIB打扮，再加上兩個人如此的有男性魅力，真係激突。不過要投訴下個謎女郎，完全花瓶穿性感紅裙之餘，仲要被阿Adam鄭使喚，挺胸收腹踏阿Adam鄭搏頭，簡直係「一元性論述」啦。
路遙知馬力單野，說豬說一千度，又忘了自己不是科學出身。好心佢就完全抄足中方論調，堅持無死人，就算死的都是豬。而且要一邊請記者食獅子頭一邊講。包保馬生就算因為這單野民意插水下屆無垃圾會議員做（但相信唔會），分分鐘可以上位頂阿董生做下屆政協副主席，甚至中共宣傳部長，因為愈看他愈像袁木，前途似錦。「袁木袁木，騙人有術」之後可以有「馬力馬力，肉醬好食」「馬力馬力，康港仆直」。