無幾何講食，因為我轉戰沙田之後，每天午餐只得三款：車仔麵（醫院canteen唯一食得落口的東西）、麵包、老麥。有間獨市茶餐廳在附近一個領匯屋村商場。地盤檔裝修、服務及食物質素，但係因為附近有醫院、醫科生宿舍、診所、男校女校各一間等等，吸引不少食物鏈上層的白領人仕光顧，也因此物價飛漲，夠膽死收茶樓價。故此幫趁過一次之後，就沒有再去了。
上個月唯一一餐食得飽，是自己煮自己食的一鑊水餃公仔麵。上個月不知怎的好想食水餃、雲吞、小籠包等等東西。有天到超市買了一包新出的急凍水餃，話有封湯在個餃入面，二十幾三十蚊有成廿幾粒，好似係李嘉誠個屈錢紙集團推出的。三個人分每人都差不多分到十粒。雖然價格係好Cheap，而且是雪藏食物，但對於一個飢腸轆轆的人，正所謂豪有豪食，Cheap有Cheap食，Cheap物都可以吃得十分滋味。真係有湯爆果下好。
有錢再去阿李超人超超市場入過貨。
延伸閱讀：有錢我想去試下