話說香港立法會要調查甘威為何要怒炒珠珠,這次立法會無聊程度直迫當年臨時垃圾會討論「身份證」是否應該改名為「身分證」。 ((呢種問題問陳雲三秒鐘就會答到你。))
我早在公元 2009 年 10 月 5 日就指出,甘威應該將解僱珠珠的文件亮出來。假如他早在十月將呈上立法會的考勤報告亮出來,他會有今日的煩惱嗎?其實考勤報告中幾點,真係足以解僱,例如拒絕寫新聞稿(如此為工作一部份)及突然請假等等。但是傳媒現在捉住珠珠沒有登入 MSN 為解僱原因。當然囉,根本沒有人再信甘威,當然覺得他在堆砌罪名,而這個 MSN 指控,太堆砌,當然被大造文章,「肯定係求愛不逐老屈人喇」。
既然要調查,就要珠珠上立法會,被專貴的議員審問。但珠珠應該不會出席,此審訊應該會用包大人夜審烏盆方式進行。如有司徒法正之類專業人士,亦能以碟仙之類的方法問天調查。珠珠必需要解釋為何不用 MSN ,本人根據多年茅山術修煉,以天眼通之法與珠珠取得聯絡。但是因為心浮氣躁、血氣方剛的關係,竟聽到珠珠多於一個回答,或者有民主派或謝偉俊等等反對調查甘威人士,以民間電台電波對準本人太陽穴騷擾作法。現呈上珠珠對「唔上 MSN 」的陳辭,供立法會調查小組參考,以正視聽,以求此冤案早日水落石出:

  • 「 MSN 有中共網特 Mon 住,點用呀大佬。到時泄密,又老屈黨內有無間道,真兄弟o架喇。」
  • 「呀大人,我用 Mac o既,咁我不嬲都用開 adium o既。我其實日日都有開個 adium o架,不過微軟無喇喇個 Server 唔比我 login 喎。我一早叫左甘威愛國愛港應該改用 qq ,求其都改用 gtalk 喇。其實我樣樣 IM 都有上o架,係上唔到 MSN o者!咁佢又唔肯用第二d,咁我可以點o者?」
  • 「車!阿甘威個 MSN account 成日中毒,一日 send 成幾千個講去邊度 download Pr0n o既 message 比我,阻住晒做野,唔單止寫唔到新聞稿,重搞到我部機都中埋毒,要請假清毒添。」
  • 「喂!就算佢同我求愛,我都無熄電話避佢o架。我無上 MSN o者,佢有野搵我都可以打電話或者 SMS 我o者?大家響同一個 Office 隔離房,唔駛 MSN o瓜?」
  • 「阿甘威好鬼鐘意玩 MSN o架,重成日響辦公時間同d同事好似o靚妹咁一齊儲震震字同埋閃閃 icon ,我覺得好白痴囉,又唔做野。我同佢講過o架,佢又唔聽,咁我咪專登 offline ,迫佢用少d囉。唔通咁都有錯?」