影雀人永遠都有支鏡focal length不足的問題,其實不是支鏡的focal length不足,係人對張相本身隻雀大細的執著。
在網上Search一Search,有人話用500mm去米埔影都不夠。如果這樣計,就算用digiscope去到千幾mm都不夠,因為支鏡永遠不能滿足你。加Teleconverter又話有邊光圈細成像差,買副廠鏡無APO無Marco又話有紫邊影相唔靚。係人都知>500mm影雀大隻啦,但係500mm已經成皮野。人人要求不同,別人的意見會改變了你本身的要求,想要別人有的東西。影相界叫這個現像做「毒」。清楚了解自己的需要吧!
好似同女仔交往,不是軍備競賽呀!給你一條天仙般的女孩子,你有能力Afford得起嗎?就算你用甚麼旁門左道獲得了,你又handle得起嗎?
我係初學者,給影鳥初哥的小小忠告啦:

1. Chop相絕不可恥。
2. 銀包先決而不是器材先決。
3. 樂趣在於捕捉到鳥類,初學捕捉到已經值得鼓勵,相片中的鳥太細小都不用氣餒,欣賞牠。
4. 忘記以上三點,拿你現有的器材,坐言起行出去影!