家中的上網服務到了深夜一二三四點,都ok可以。可惜之後一天要上班,精神狀態卻頹靡得可以。
星期日晨早六點重播經典搞笑電視節目「點解咁好笑」。此類節目可以聽到最多的罐頭笑聲,正。下星期要校鬧鐘起身睇。
關於罐頭笑聲,今集的美女廚房突然很「無線地」在笑位加了罐頭笑聲,即時由cheap昇級為cheaper,愈Cheap愈好睇。

p.s. 其實我想睇返「笑星救地球」。其中一個環節叫做「九七前後」,以九零年預視九七之後的香港。現在回看就有如八十年代尾香港人心態的Time Capsule,也想看看有幾多成真了。相信無線都無乜guts去重播。