Werden wir Helden für einen Tag

Home | About | Archive

影視短評

Posted on Jul 16, 2006 by Chung-hong Chan

1. Ultra Violet - 睇Trailer以為Okay。點知睇片,嘩!好唔掂。劇情和預計一樣係無o架啦,想話睇下特技,都係無,見到Matte的殘渣邊,飛車特技有些位見到架車沒有跟正常Gravity來飛行。(無法,如果一套片只賣CGI的話,請做得好一點)
好,我轉而睇女,Milla Jovovich。一大完美女性,不過超濃妝,超嚴重Soft鏡及Film-gimp,再加上夢囈地扮Cool,好很浪費。無怪乎美國票房蝕水,香港要Straight to DVD,香港戲院都唔敢上。唯一可取,是聲效。聽說是試HiFI天碟,可惜我連LoFi都無,此方面無評語。

2. Numb3rs - 愈睇愈正。雖然以我的生物學血緣來說,CSI的Forensic science會合我口胃多一點。睇過,不過唔o岩睇。Numb3rs的數學追兇型得多,主角Don有點似Soler加Bruce Willis年輕版的混合體。形爆!
我覺得,Numb3rs題材可能不合香港觀眾,因為Math之於香港師奶是迫個仔學奧數、之於妙齡學生妹是死刨及到大袋教育跟數學天皇補習雙管齊下都係得個E的學科,之於精叻港男是一門已被計數機及Excel取代的過氣學科。香港明珠國際未必夠膽買來播。都係買ER, House, OC之類,遠離港人視野,擺到明Focus中產同鬼仔的電視劇比較安全。

3. WWE Smack Down - Sorry, again. 我是十分Bad Taste地BT回來試睇。Z年前亞視有播WCW的節目,叫做週末摔角大狂熱,由文雋同譚筠兒主持。Narrator有文雋同阿Man(我懷疑係Keyman),後來轉為文遜(我懷疑係林超榮),再後來甚至係小新同佢老母美雅...個配音員。當年時常停播,但我又十分愛睇。我甚至因此寫過信去東週刊投訴。可惜,同一年好似被壹本便利還是壹週刊選為最惡頂節目,最後摺埋。
N年前明珠有得播仍然叫WWF的摔角,格調明顯比WCW高。有幸睇到The Rock, Stone Cold, Undertaker, HHH, 仍是蒙面的Kane, Kurt Angle, Chris Benoit (我覺得佢打得最真)等等。
N年後睇,Sorry,真的覺得有點噁心。我突然看到,現在的WWE(因為與熊貓會有商標爭議,近年由WWF改名WWE,強調是E for Entertainment)是一個十分之Fascist的所謂運動。之前有Chris Benoit, Jericho等等,都是加拿大人,都可以算是「好人」。但現在的故事,加拿大人都是壞人,黑人摔角手甚至在故事設計時無個係好人(以前都有7:3之比是壞人:好人)。故事中的好人,都是白到爆、身型標準的本土美國人。可能當年無知,或者當年未知道一個普通人因職責被公眾視為壞人,是何等的無耐。試想想作為一個食環署執法人員,責任原本只是保持公眾衛生,就算你沒有想過去捉阿婆賣白蘭花,沒有想過去迫人跳海,但卻因為職責給人的誤解,而被人罵乞兒。
商品化的摔角,將人二分為好人(Face)和壞人(Heel)可能已經是一個問題。
也許,我已經過了看商業化摔角的年紀。


Powered by Jekyll and profdr theme