1. 星期六另一半想去修好iBook,買一個新的變壓器(六舊)。
    上到某Apple Center,我又心血來潮想供台新12'' G4 1.33GHz的iBook G4。本來店員話仍有聖誕Gift set,送Ram送Mighty Mouse,已經拍埋版話出。怎料最後又無Gift set,要原價七九,加埋Ram加埋AppleCare計過數要成皮野,另一半叫停,最後有點含恨離去。
    星期日行元朗。(請注意,係行元朗呀屌!)竟然見到某中型電器商做iBook promotion!都係無Ram無Mighty Mouse,但係做緊六九。自已買條1G加多八舊,都只是七七。不過,六九這個價無得供。
    試想想,之前十二月做完一個月送Ram送Mighty Mouse,應該都賣了不少存貨了吧!怎料到一月幾還要做多次減成千的Promotion?可想而知市面上重有幾多死貨,而且蘋果要幾趕去清這一批死貨。
    假如MWSF真的出新intel iBook,連iSight whatsoever。市面上都應該會有不少PowerPC iBook死死貨。

    最後我有無出到iBook?緊係無出啦。

  2. 今天收到一篇文的Reviewer comment,今次無人話英文差,今次收到這樣的Comment

    This conclusion is well shown and the analyses and statistical methods are excellent. But, relatively, it is very unfortunate that so much effort was spent and so good statistical analyses performed on such a poorly conceptualized project.

    雖然你們Reject我,但我竟有點心涼!我是一個壞的員工。

  3. 估不到我要做人肉地呢蛇,網摘是也!
    1. 鳥籠創作空間──異議為虎作倀者,論乜:我點都算係一個Marginal到Marginal的Video podcaster。當那些主導香港Podcaster和CASH討論的是「識法代言人」,得出如此的結論,言則香港其實是無二次創作的空間。我慶幸我無必要在我們的MacGrass Video podcast播CASH的廣東歌,而且我早摺了我的Sample based的電子音樂事業。睇睇自己做的Video Podcast,昨天看了「黑社會」,有這句對白:「東莞仔!呢單嘢你話事。啦!做嘢唔好咁揚,但係最緊要威!」
    2. 轉貼: 你會劃掉誰的名字,論乜:Safari顯示此網的效果很好,再按Cmd + W。
    3. 無綫電視藝員訓練班,論乜:在這堆星中見到吳廷燁。他在無間道和黑社會做差仔真係型到爆,只不過去了亞視。我阿媽成日話亞視係萬人冢。同佢同屆有梁朝偉、周星馳、歐陽震華、吳鎮宇、關禮傑、李子雄、張兆輝等等,做影帝的做影帝、做電視當紅小生的做當紅小生,甚至有些已經做夠移民加國。反而吳廷燁,只能在同屆同學主演的電影做三線演員。
  4. 話說呂布當年曾在轅門射戟,令劉備及袁術收兵。和事佬,其實不易為。
  5. 又到扮pcheung時間:昨晚有個預科舊男同學打電話來,話從床下低找到的Phonebook見到我的電話,問我是否在生。無準備下傾了十五分鐘電話,可說史無前例。其實當年我和他都甚老友,大家都是geek系學生無女伴那種(而我比他幸運一點點),他geek pure maths,我geek biology。打電話來問我還有沒有做網頁,我話我做了個關於蘋果電腦的網頁,他說了句:「咁正常呀?當年你做果D網頁都好怪下架喎」哈!當年我在做網上電台,以及一些怪網,嚇倒不少人。他說:「你而家知道你當年做D咁怪野,做你個Friend有幾辛苦。」言談間也談到當年全班男仔一致覺得超靚女的Miss。她只教低年班數學,我們全班男仔經常到低年班班級扮親善訪問,有些少兵派去幫靚女Miss拿書薄(我永遠抽不中)。甚至發生過全班男生送聖誕卡及派代表參加那個Miss搞的活動。在送聖誕卡事件中,我猜輸了要負責去送另一個男同學設計的聖誕卡。另外,由於當年我電腦比較勁,我被選出參加那個Miss搞的程式設計比賽,校內拿了冠軍、校外拿了個亞軍。由於那個Miss要帶同我出去領獎,實在令不少血氣方剛的同學羨慕萬分。